GUJARAT BOTAD

જિલ્લા વિકાસ અધિકારીશ્રી દ્વારા બાળકોને પોલીયોના બે ટીપા પીવડાવી બુથની શરૂઆત કરવામાં આવી

by Admin on | 2023-05-28 14:33:09

Share: Facebook | Twitter | Whatsapp | Linkedin Visits: 32

---

SNID પોલીયો રાઉન્ડ અંતર્ગત જિલ્લા કલેકટરશ્રી અને જિલ્લા વિકાસ અધિકારીશ્રીના માર્ગદર્શન હેઠળ SNID પોલીયો રાઉન્ડનું પ્લાનીંગ કરાયું 

બોટાદ જિલ્લામાં ૦ થી ૫ વર્ષના કુલ ૮૯, ૨૭૦ બાળકોને પોલીયોની રસીના બે ટીપા પીવડાવી રક્ષિત કરવાનું આયોજન 

બોટાદ જિલ્લામાં SNID પોલીયો રાઉન્ડ અંતર્ગત જિલ્લા કલેકટરશ્રી અને જિલ્લા વિકાસ અધિકારીશ્રીના માર્ગદર્શન હેઠળ SNID પોલીયો રાઉન્ડનું પ્લાનીંગ કરવામાં આવ્યું હતું.  જેમાં બોટાદ જિલ્લામાં ૦ થી ૫ વર્ષના કુલ ૮૯, ૨૭૦ બાળકોને પોલીયોની રસીના બે ટીપા પીવડાવી રક્ષિત કરવાનું આયોજન કરવામાં આવ્યું હતું.

જે અંતર્ગત જનરલ (સોનાવાલા) હોસ્પિટલ બોટાદ અને શ.આ.કેન્દ્ર બોટાદ-૩ ખાતે જિલ્લા વિકાસ અધિકારીશ્રી દ્વારા બાળકોને પોલીયોના બે ટીપા પીવડાવી બુથની શરૂઆત કરવામાં આવી હતી.  તેમજ મુખ્ય જિલ્લા આરોગ્ય અધિકારીશ્રી બોટાદ દ્વારા શ.આ.કેન્દ્ર-૨ ખાતે બાળકને પોલીયોના બે ટીપા પીવડાવી બુથની શરૂઆત કરવામાં આવી હતી. તેમજ બોટાદ જિલ્લાના ૧૮ પ્રા.આ.કેન્દ્ર અને ૩ શ.આ.કેન્દ્રના વિસ્તારોમાં જિલ્લા પંચાયત સભ્યશ્રી, તા.પંચાયત સભ્યશ્રી અને ગ્રામ પંચાયત સભ્યશ્રી તેમજ અધિકારીશ્રીઓ દ્વારા બાળકોને પોલીયોના ટીપા પીવડાવી શુભારંભ કરવામાં આવ્યો હતો. 

બોટાદ જિલ્લામાં ૦ થી ૫ વર્ષના  બાળકોને ૩૬૩ બુથ અને જાહેર સ્થળો પર ૧૯ ટ્રાન્જીસ્ટ બુથ ઉપર ૭૧૭ ટીમ અને ૧૪૩૪ આરોગ્ય કર્મચારીઓ દ્વારા પોલીયો બુથ ઉપર જિલ્લાના કુલ ૦ થી ૫ વર્ષના ૮૯૨૭૦ બાળકોની સામે ૭૭૩૭૨ બાળકોને પોલીયોના બે ટીપા પીવડાવી ૮૬.૬૭ ટકા રક્ષિત કરવામાં આવ્યા હતા. તેમજ બાકી રહેલા બાળકોને તા. ૨૯/૦૫/૨૦૨૩ અને ૩૦/૦૫/૨૦૨૩ ના દિવસે આરોગ્ય ટીમ દ્વારા ઘેર-ઘેર મુલાકાત લઈને તમામ ૦ થી ૫ વર્ષના  બાળકોને આવરી લઇ પોલીયો રસીથી રક્ષિત કરવામાં આવશે. જે માટે તમામ જાહેર જનતા પોતાનું એકપણ બાળક પોલીયોના બે ટીપા પીવડાવવામાં બાકી ન રહે તે માટે મુખ્ય જિલ્લા આરોગ્ય અધિકારી ડો. જે.એસ.કનોરીયા દ્વારા અનુરોધ કરવામાં આવ્યો છે.