GUJARAT BOTAD

કાપડીયાળી-2 આંગણવાડીનાં ભૂલકાઓએ ઢોલ-નગારાનાં નાદ સાથે આંગણવાડી પ્રવેશોત્સવ અન્વયે ગામલોકોને કર્યાં જાગૃત

by Admin on | 2023-06-09 14:45:59

Share: Facebook | Twitter | Whatsapp | Linkedin Visits: 101

---

બોટાદમાં આંગણવાડી પ્રવેશોત્સવ

બોટાદ જિલ્લામાં બરવાળા તાલુકાનાં કાપડીયાળી-2 આંગણવાડીનાં ભૂલકાઓ  દ્વારા ઢોલ-નગારાનાં નાદ સાથે આંગણવાડી પ્રવેશોત્સવ વર્ષ 2023-24 કાર્યક્રમ અંતર્ગત પ્રચાર કરવામાં આવી રહ્યો છે. આંગણવાડી પ્રવેશોત્સવનો હેતુ નાના-નાના બાળકોને પ્રેમાળ આવકાર મળે, તેમને આંગણવાડીમાં આવવું ગમે અને વાલીઓમાં આંગણવાડી પ્રત્યે જાગૃતિ આવે તે માટેનો છે. બોટાદ જિલ્લામાં આંગણવાડી પ્રવેશોત્સવની પૂર્વ તૈયારીના ભાગરૂપે તમામ આંગણવાડીઓમાં જુદી-જુદી પ્રકારની પ્રવૃત્તિઓ કરવામાં આવી રહી છે. જિલ્લામાં વિવિધ ઘટકો દ્વારા ઢોલ નગારા, રેલી, બાળકો દ્વારા બનાવવામાં આવેલા આંમત્રણ કાર્ડ ગામના આગેવાનોને આપવા જેવી પ્રવૃત્તિઓ તેમજ યોજનાકીય સંદેશા સાથે ગામની શેરીઓમાં સુત્રોચ્ચાર કરીને આંગણવાડી પ્રવેશોત્સવનો પ્રચાર-પ્રસાર કરવામાં આવી રહ્યો છે. જેમાં મોટી સંખ્યામાં ગ્રામજનો જોડાઈ રહ્યા છે.