GUJARAT BOTAD

બોટાદ જિલ્લા કલેક્ટરશ્રી ડો. જીન્સી રોયના અધ્યક્ષસ્થાને યોજાયેલા જિલ્લા સ્વાગત ફરિયાદ નિવારણ કાર્યક્રમમાં 14 પ્રશ્નોનો સકારાત્મક નિકાલ

by Admin on | 2023-08-24 18:23:59

Share: Facebook | Twitter | Whatsapp | Linkedin Visits: 71

---

   દર મહિનાના ચોથા ગુરુવારે સમગ્ર રાજ્યમાં જિલ્લા સ્વાગત ફરિયાદ નિવારણ કાર્યક્રમ યોજવામાં આવે છે. આ કાર્યક્રમમાં જિલ્લાના નાગરિકો દ્વારા વિવિધ પ્રશ્નો રજૂ કરવામાં આવે છે જે પ્રશ્નોનું આ સ્વાગત ફરિયાદ નિવારણ કાર્યક્રમમાં અરજદાર નાગરિકો અને સંબંધિત અધિકારીઓની હાજરીમાં નિરાકરણ લાવવામાં આવે છે.

          બોટાદ જિલ્લા કલેક્ટરશ્રી ડો.જીન્સી રોયના અધ્યક્ષસ્થાને જિલ્લા સ્વાગત ફરિયાદ નિવારણ કાર્યક્રમ યોજાયો. જેમાં જિલ્લાના અરજદાર દ્વારા પ્રશ્નો રજૂ કરવામાં આવ્યાં હતાં, ક્લેકટરશ્રી દ્વારા જિલ્લા સ્વાગત અંતર્ગત જિલ્લાકક્ષાએથી ઉપસ્થિત અરજદારોના પ્રશ્નોને સાંભળી સંબંધિત અધિકારીશ્રીઓ સાથે વિગતે ચર્ચા કરી અરજદારોના પ્રશ્નોનું ઝડપથી અને સમયમર્યાદામાં નિરાકરણ કરવા માટે સૂચના આપી હતી. આ જિલ્લા સ્વાગત ફરિયાદ નિવારણ કાર્યક્રમ અંતર્ગત 14 અરજીઓનો સકારાત્મક નિકાલ કરવામાં આવ્યો હતો.

           જિલ્લા ફરિયાદ નિવારણ કાર્યક્રમમાં જિલ્લા વિકાસ અધિકારીશ્રી અક્ષય બુદાનિયા, જિલ્લા પોલીસ અધિક્ષકશ્રી કિશોરભાઈ બલોલિયા, નિવાસી અધિક કલેક્ટર શ્રી મુકેશભાઈ પરમાર, જિલ્લા પુરવઠા અધિકારી સુશ્રી રાજેશ્રીબેન વંગવાણી, નાયબ જિલ્લા વિકાસ અધિકારીશ્રી મકવાણા સહિત અન્ય સંબંધિત વિભાગના અધિકારીઓશ્રીઓ તેમજ અરજદારો ઉપસ્થિત રહ્યા હતા.