GUJARAT BOTAD

બોટાદમાં “સ્વચ્છતા હી સેવા” અંતર્ગત મહાશ્રમદાન, “એક તારીખ, એક ક્લાક” થીમની ઉજવણી કરાશે

by Admin on | 2023-09-28 14:25:31

Share: Facebook | Twitter | Whatsapp | Linkedin Visits: 74

---

જિલ્લાનાં તમામ ગામોમાં જન ભાગીદારી દરેક સ્થળે થાય અને “એક તારીખ,એક ક્લાક" અભિયાનને સાર્થક કરવા અધિક નિવાસી કલેકટરશ્રી મુકેશ પરમારનો અનુરોધ

 અધિક નિવાસી કલેકટરશ્રી મુકેશ પરમારના અધ્યક્ષસ્થાને  કલેકટર કચેરીના કોન્ફરન્સ હોલ ખાતે બોટાદ ખાતે યોજાનાર “સ્વચ્છતા હી સેવા” અંતર્ગત મહાશ્રમદાન, “એક તારીખ, એક ક્લાક” અન્વયે બેઠક યોજાઈ હતી. 

અધિક નિવાસી કલેકટરશ્રી મુકેશ પરમારે બેઠકને સંબોધતા જણાવ્યું હતું કે, વડાપ્રધાનશ્રી નરેન્દ્રભાઈ મોદીની પ્રેરણાથી “સ્વછતા હી સેવા” માસની ઉજવણીના ભાગરૂપે દેશભરમાં ૧ ઓક્ટોબરના રોજ દેશનાં તમામ ગ્રામ્ય અને શહેરી વિસ્તારોમાં જન-પ્રતિનિધીઓની આગેવાની હેઠળ મહત્તમ લોક ભાગીદારી અને “એક તારીખ, એક ક્લાક” નાં સુત્ર સાથે મહાશ્રમદાનનું આયોજન કરવામાં આવેલ છે. 

૧ ઓક્ટોબર-૨૦૨૩ નાં રોજ સવારે ૧૦ વાગ્યાથી એક ક્લાક મહાશ્રમદાન થનાર જિલ્લાનાં તમામ ગામોમાં આરોગ્ય કેન્દ્ર આંગણવાડી/શાળા વિવિધ કચેરીઓમાં પ્રાંગણ અને આજુ બાજુનો વિસ્તાર,પ્રવાસન સ્થળો,નદી કિનાર,બસ સ્ટેન્ડ,ધાર્મિક સ્થળે જિલ્લામાં ચુટાયેલા પદાધિકારીઓ સંસદસભ્યશ્રી, ધારાસભ્યશ્રી, જિલ્લા તાલુકા પંચાયતોનાં પદાધિકારીઓ, સરપંચશ્રી, ગ્રામ પંચાયતનાં સભ્ય,વડીલો,મહિલાઓ, સામાજિક સંસ્થાઓ તેમજ તમામ સરકારી વિભાગોની ઉપસ્થિતિમાં વિશાળ જન-ભાગીદારીથી એક કલાકમાં સંપુર્ણ રીતે સફાઈ સારૂં મહાશ્રમદાન કરવામાં આવનાર છે. 

બોટાદ જિલ્લામાં ૧ ઓક્ટોબર-૨૦૨૩ નાં દિવસે “સ્વચ્છતા હી સેવા” માસની ઉજવણી કરવામાં આવનાર છે. જેના ઉપલક્ષ્યમાં  જિલ્લા તમામ  તાલુકાનાં તમામ ગામોમાં તથા  નગરપાલિકાનાં તમામ વોર્ડમાં પણ આ ઉજવણી કરવામાં આવશે.જિલ્લાનાં તમામ ગામોમાં જન ભાગીદારી દરેક સ્થળે થાય અને ૧ ઓક્ટોબર-૨૦૨૩ નાં રોજ સવારે ૧૦ ક્લાકે “એક તારીખ,એક ક્લાક" અભિયાનમાં વધુને વધુ લોકો જોડાય અને મહાશ્રમદાન કરવામાં આવે તેમજ આ કાર્યક્રમ સફળ બનાવવા માટે અનુરોધ કરવામાં આવ્યો હતો.