GUJARAT BOTAD

જિલ્લાના આરોગ્ય કેન્દ્રો,આંગણવાડીઓ,શાળાઓ, વિવિધ કચેરીઓના પ્રાંગણ અને આજુબાજુના વિસ્તારોમાં સફાઈ અભિયાન

by Admin on | 2023-10-01 11:28:00

Share: Facebook | Twitter | Whatsapp | Linkedin Visits: 175

---

બોટાદ જિલ્લામાં “સ્વચ્છતા હી સેવા’’ અભિયાન અંતર્ગત મહાશ્રમદાન કાર્યક્રમો

બોટાદ જિલ્લામાં “સ્વચ્છતા હી સેવા’’ અભિયાન અંતર્ગત  પહેલી ઓક્ટોબરના રોજ સવારે ૧૦.૦૦ વાગ્યાથી એક કલાક નો મહાશ્રમદાન કાર્યક્રમમાં યોજાયો હતો.

એક સાથે કરોડો ભારતવાસીઓની સાથે પદાધિકારીઓ, સ્વયંસેવકો, જાગૃત પ્રજાજનો, અને અમલીકરણ અધિકારી, કર્મચારીઓ સાથે સ્વયં સ્વચ્છતા કાર્યક્રમમાં જોડાઈ શ્રમદાનમાં સહયોગી થયા હતા.

બોટાદ જિલ્લામાં સ્વચ્છતા માટેના શ્રમદાનના કાર્યક્રમો સફળતાપૂર્વક આયોજિત કરાયા હતા. મહાશ્રમદાન કાર્યક્રમના સુચારુ આયોજન, વ્યવસ્થા માટે જિલ્લાથી લઈને તાલુકા અને ગ્રામ્ય કક્ષા સુધીનું અધિકારી, કર્મચારીઓએ જુદી જુદી જવાબદારીઓ નિભાવી પોતાનું યોગદાન આપ્યું હતું. જિલ્લામાં 'એક તારીખ, એક કલાક' અન્વયે મહાશ્રમદાન પ્રવૃત્તિઓનું સમગ્ર આયોજન જિલ્લાના આરોગ્ય કેન્દ્રો,આંગણવાડીઓ,શાળાઓ,વિવિધ કચેરીઓના પ્રાંગણ અને આજુબાજુના વિસ્તારો, પ્રવાસન સ્થળો, ધાર્મિક સ્થળો સહિતની જગ્યાઓએ કરવામાં આવ્યું હતું. સંપૂર્ણ શ્રમદાન 'સિંગલ યુઝ પ્લાસ્ટિક ફ્રી' અને 'ઝીરો વેસ્ટ'ને પ્રોત્સાહન મળે તે પ્રકારનું રહ્યું હતું. શ્રમદાન થકી એકત્રિત થયેલા કચરાનો યોગ્ય નિકાલ થાય તેવી પણ વ્યવસ્થા ગામે ગામ  કરવામાં આવી છે.

 આમ 'એક તારીખ, એક કલાક, એક સાથ' ના તા.૧લી ઓક્ટોબર, ૨૦૨૩ના રોજ સવારે ૧૦ વાગ્યે સ્વચ્છતા માટે નાગરિકોની આગેવાની હેઠળના શ્રમદાનના ૧ કલાક માટેના આ રાષ્ટ્રીય કાર્યક્રમમાં, દેશ સમસ્તની સાથે બોટાદ જિલ્લાના ગામો અને નગરના લોકો પણ એક કલાકના શ્રમદાન થકી દેશવ્યાપી સ્વચ્છતા અભિયાનમાં જોડાઈને પોતાની સહભાગિતા નોંધાવી હતી.