GUJARAT BOTAD

જિલ્લા વહીવટી તંત્ર સર્વે બોટાદવાસીઓ માટે “વાયબ્રન્ટ ગુજરાત, વાયબ્રન્ટ બોટાદ” મહોત્સવ રૂપે નવલું નઝરાણું લાવ્યું

by Admin on | 2023-10-12 16:07:38

Share: Facebook | Twitter | Whatsapp | Linkedin Visits: 138

---

મહોત્સવમાં ૭૮ એમ.એસ.એમ.ઈ અને લાર્જ એકમો દ્વારા એમ.ઓ.યૂ થકી કુલ રૂ. ૩૦૬.૪૨ કરોડનું મુડી રોકાણ કરાશે, કુલ ૧,૨૧૩ લોકોને રોજગારીનું સર્જન થશે: બોટાદ જિલ્લા કલેક્ટરશ્રી

બોટાદ જિલ્લા વહીવટી તંત્ર સર્વે બોટાદવાસીઓ માટે “વાયબ્રન્ટ ગુજરાત, વાયબ્રન્ટ બોટાદ” મહોત્સવ રૂપે નવલું નઝરાણું લઈને આવ્યું છે. તા.૧૩/૧૦/૨૦૨૩ના રોજ બપોરે ૩:૦૦ કલાકથી નગરપાલિકા હોલ, બોટાદ ખાતે “વાયબ્રન્ટ ગુજરાત, વાયબ્રન્ટ બોટાદ” મહોત્સવનું ભવ્ય આયોજન કરવામાં આવ્યું છે. આ વિશે વધારે માહિતી આપતા જિલ્લા કલેક્ટરશ્રી ડો.જીન્સી રોયે જણાવ્યું હતું કે, “આ મહોત્સવમાં કુલ ૭૮ એમ.એસ.એમ.ઈ અને લાર્જ એકમો દ્વારા એમ.ઓ.યૂ થકી કુલ રૂ. ૩૦૬.૪૨ કરોડનું મુડી રોકાણ કરવામાં આવશે. આ એમ.ઓ.યૂના માધ્યમથી કુલ ૧,૨૧૩ લોકોને રોજગારીનું સર્જન થશે.”

કલેક્ટરશ્રીએ વધુમાં જણાવ્યું હતું કે, “વાયબ્રન્ટ ગુજરાત, વાયબ્રન્ટ બોટાદ મહોત્સવના પ્રદર્શનમાં વિવિધ સરકારી કચેરીઓ, ઔદ્યોગિક એકમો તથા હસ્તકલા-આર્ટીઝનના કુલ ૪૧ સ્ટોલ્સ રાખવામાં આવ્યા છે. જેમાં જિલ્લાની વિવિધ સરકારી કચેરીઓના ૭, વિવિધ બેંકોના ૩, વિવિધ ઔદ્યોગિક એકમોના ૫ અને હસ્તકલા અને આર્ટીઝનના ૨૬ સ્ટોલ રહેશે. આ મહોત્સવમાં જિલ્લાનાં ઔદ્યોગિક એકમો દ્વારા B2B, B2Cનું આયોજન કરવામાં આવ્યું છે.જેમાં B2Bમાં કુલ ૭૩ એકમો દ્વારા ૧૨૮.૧૭ કરોડનો ટ્રેડ થશે તેમજ B2Cમાં કુલ ૨૬ વિવિધ સ્ટોલ દ્વારા તા.૧૩/૧૦/૨૦૨૩ના રોજ ૩:૦૦ વાગ્યાથી ૧૪/૧૦/૨૦૨૩ના રોજ રાત્રે ૦૮:૦૦ કલાક સુધી વેપાર કરવામાં આવશે.”