GUJARAT BOTAD

ગઢડા તાલુકાના લીંબાળી ગામમાં વિકસિત ભારત સંકલ્પ યાત્રાથી અનેક લાભાર્થીઓ લાભાન્વિત થયા

by Admin on | 2023-12-17 17:46:17

Share: Facebook | Twitter | Whatsapp | Linkedin Visits: 11

---

ઉપસ્થિત મહાનુભાવો દ્વારા સરકારની વિવિધ યોજનાના લાભ લેવા ગ્રામજનોને અનુરોધ કરાયો 

વડાપ્રધાનશ્રી નરેન્દ્રભાઈ મોદીના નેતૃત્વ હેઠળ વિકસિત ભારત સંકલ્પ યાત્રા સરકારની તમામ જન કલ્યાણકારી યોજનાઓ ઘર-ઘર સુધી પહોંચાડી રહી છે."વિકસિત ભારત સંકલ્પ યાત્રા"નો જાગૃતિ સંદેશ અને લાભો તમામ લોકો સુધી પહોંચાડવા વિવિધ કાર્યક્રમો યોજાઈ રહ્યા છે.  લોકો ઉત્સાહ સાથે રથને આવકારી રહ્યા છે. ત્યારે આ રથ ગઢડા તાલુકાના લીંબાળી ગામમાં પહોંચતા ઉપસ્થિત મહેમાનો અને ગ્રામજનો દ્વારા કુમ કુમ તિલક કરી રથનું ઉષ્માભેર સ્વાગત કરાયુ હતું. 

ગ્રામજનોએ સરકારની મહત્વપૂર્ણ ૧૭ જેટલી સરકારી યોજનાઓના લાભ વિશે માહિતી મેળવી હતી. કાર્યક્રમમાં મહાનુભાવોના હસ્તે લાભાર્થીઓને સહાય અને કીટનું વિતરણ કરવામાં આવ્યું હતું. તથા શાળાના તેજસ્વી વિદ્યાર્થીઓને સન્માનિત કરાયા હતા. આરોગ્ય શાખા દ્વારા હેલ્થ કેમ્પનું આયોજન કરવામાં હતું. તેમજ  લાભાર્થીઓએ ‘‘મેરી કહાની, મેરી જુબાની’’ હેઠળ પોતાના પ્રતિભાવો આપ્યા અને અન્ય લોકોને પ્રોત્સાહન પૂરું પાડ્યું હતું. વર્ષ ૨૦૪૭ સુધીમાં ભારતને વિકસિત રાષ્ટ્ર બનાવવા માટે સૌ ગ્રામજનોએ સંકલ્પ લીધા હતા. 

આ કાર્યક્રમમાં જિલ્લા અગ્રણી શ્રી સુરેશભાઈ ગોધાણી, અરવિંદભાઈ વનાણી,  તાલુકા પંચાયતના સદસ્યશ્રીઓ, ટીડીઓશ્રી વાળા સહિત અધિકારીઓ અને પદાધિકારીઓ તેમજ ગામનાં વડીલો અને મોટી સંખ્યામાં ઞ્રામજનો ઉપસ્થિત રહ્યા હતા.