GUJARAT BOTAD

બોટાદના કાનીયાડ ગામે જિલ્લા પંચાયતના ઉપ પ્રમુખશ્રી કનુભાઈ રાઠોડના અધ્યક્ષસ્થાને વિકસિત ભારત સંકલ્પ યાત્રાનો કાર્યક્રમ યોજાયો

by Admin on | 2023-12-17 17:50:55

Share: Facebook | Twitter | Whatsapp | Linkedin Visits: 18

---

વિકસિત ભારત સંકલ્પ યાત્રાનું હર્ષભેર સ્વાગત કરતાં કાનીયાડના ગ્રામજનો

 બોટાદના કાનીયાડ ગામે જિલ્લા પંચાયતના ઉપ પ્રમુખશ્રી કનુભાઈ રાઠોડના અધ્યક્ષસ્થાને વિકસિત ભારત સંકલ્પ યાત્રાનો કાર્યક્રમ યોજાયો હતો. જેમાં સરકારશ્રીની વિવિધ કલ્યાણકારી યોજનાઓની સહાયનું વિતરણ કરવામાં આવ્યું હતું. 

આ પ્રસંગે જિલ્લા પંચાયતના સભ્યશ્રી દયાબેન અણીયાળીયા તેમજ જિલ્લાના અગ્રણી શ્રી પાલજીભાઈ પરમાર, શ્રી ભુપતભાઈ જાબુકીયાએ સરકારની જન કલ્યાણકારી યોજનાની માહિતી પુરી પાડવાની સાથે તમામ યોજનાઓનો મહત્તમ લાભ લેવા અનુરોધ કર્યો હતો. 

આ તકે  લાભાર્થીઓએ "મેરી કહાની, મેરી જુબાની" થીમ અન્વયે પોતાને મળેલા લાભોની ગાથા વર્ણવી હતી. ગ્રામજનોએ રથના માધ્યમથી વિકાસની ઝાંખી રજૂ કરતી ફિલ્મ નિહાળી હતી. ગ્રામજનોએ વિકસિત ભારતના નિર્માણ માટે પોતાની સહયોગીતા આપવાના શપથ લીધા હતા.કાર્યક્રમમાં નાયબ જિલ્લા વિકાસ અધિકારીશ્રી પરમાર, જિલ્લા-તાલુકાના પદાધિકારીઓ, અધિકારીઓ સહિત ગ્રામજનો મોટી સંખ્યામાં ઉપસ્થિત રહ્યાં હતાં.