GUJARAT BOTAD

વડાપ્રધાનશ્રી નરેન્દ્રભાઈ મોદીના હસ્તે બોટાદને ૧૦૦ વોટના ટ્રાન્સમીટર્સની મળશે ભેટ

by Admin on | 2023-04-27 12:28:59

Share: Facebook | Twitter | Whatsapp | Linkedin Visits: 62

---

સૌરાષ્ટ્રના અને સમગ્ર ભારતનાં વિવિધ વિસ્તારોમાં ૧૦૦ વોટનાં કુલ ૯૧ એફ.એમ. ટ્રાન્સમીટર્સનું વડાપ્રધાનશ્રી નરેન્દ્રભાઈ મોદીનાં હસ્તે વર્ચ્યુઅલ લોકાર્પણ થશે

વડાપ્રધાનશ્રી નરેન્દ્રભાઈ મોદીના હસ્તે બોટાદને ૧૦૦ વોટના ટ્રાન્સમીટર્સની ભેટ મળશે. તા. ૨૮ એપ્રિલના સવારે ૧૦.૩૦ કલાકે વડાપ્રધાનશ્રી નરેન્દ્રભાઈ મોદી દ્વારા વિડીયો કોન્ફરન્સનાં માધ્યમથી સૌરાષ્ટ્ર સહિત સમગ્ર ભારતમાં ૧૦૦ વોટનાં કુલ ૯૧ એફ.એમ. ટ્રાન્સમીટર્સનું વર્ચ્યુઅલ લોકાર્પણ ક૨વામાં આવશે. સૌરાષ્ટ્રનાં ચાર વિસ્તારોમાં આ એફ.એમ. ટ્રાન્સમીટર્સની ભેટ મળી છે. જેમાં સુરેન્દ્રનગર, વેરાવળ, બોટાદ અને ખંભાળીયા મુકામે આ ટ્રાન્સમીટર્સનું વર્ચ્યુઅલ લોકાર્પણ ક૨વામાં આવશે. આ કાર્યક્રમમાં દરેક સ્થળનાં વિવિધ મહાનુભાવો, સંસદ સભ્યશ્રીઓ, ધારાસભ્યશ્રીઓ, કલેકટરશ્રીઓ, જિલ્લા વિકાસ અધિકારીશ્રીઓ, પોલીસ અધિકારીશ્રીઓ, નગરપાલિકાનાં પ્રમુખશ્રીઓ તથા અન્ય ગણમાન્ય પ્રજાનાં પ્રતિનિધિશ્રીઓ ઉપસ્થિત રહેશે.